МБОУ "Намская улусная гимназия им. Н.С. Охлопкова"

Вторник, 21.08.2018, 01:31
Приветствую Вас Гость | RSS
Меню сайта
Наш опрос
Оцените мой сайт
Всего ответов: 25
Статистика

Онлайн всего: 3
Гостей: 3
Пользователей: 0
Главная » 2016 » Октябрь » 11 » Ситиһиилэриттэн үөрэбин...
07:47
Ситиһиилэриттэн үөрэбин...

Олохпут устата ийэбитигэр махталбытын кытта тэҥҥэ учууталларбытыгар махтаныах тустаахпыт. Учуутал диэн кимий? Учууталтан саҕаланар оҕо үөрэххэ тардыһыыта, кэрэҕэ-сырдыкка уһуйуллуута, инники олоҕун түстээһинэ, идэтин талан олоҕун оҥостооһуна. Учууталлар үөрэнээччилэригэр элбэх сана билиини эрэ иҥэрбэттэр, инники олохпут ситиһиилээх буоларын туһугар үлэлииллэр, кыһаллаллар, эрэнэллэр.

2016-2017 үөрэх сыла Нам улуустааҕы гимназиятыгар олус ситиһиилээхтик саҕаланна. Ол курдук аныгы үйэ информационнай  технологияларын, компьютер, интернет курдук ыарахан саҥа уйэ сүүрээннэрин кытта информатика уруогар билиһиннэрэр Николай Семеновичка «Отличник образования РС(Я) үрдүк аатын сыралаах үлэтин иһин анаабыттара. Биһиги учууталбыт хас биирдии уруогун олус умсугуйан туран истэбит. Николай Семенович аныгы уйэҕэ бэлэмнээх, компьютер, интернет курдук олус наадалаах ресурстары кытта билиһиннэрэн, конкурентноспособнай дьон гына иитэн таһаарар сыаллаах-соруктаах үлэлиир.

Биһиги гимназиябыт учууталлара бу ситиһииннэн эрэ муҥурдаммакка, бу биир ый иһигэр өссө икки улахан ситиһиини көрдөрөн тураллар. Нуучча тылын уонна литературатын учууталыгар, Зоя Михайловна Эверстоваҕа, Российскай Федерация Гранын туттардылар. Истиҥ сыһыанынан, эйэҕэс майгытынан элбэх көлүөнэ дьонун үрдүккэ, кэрэҕэ-сырдыкка угуйбут, үтүө санаалаах, инникигэ оссо да элбэх оҕону иитэн-такайан таҺаарар, гимназиябыт биир тутаах учуутала Зоя Михайловна буолар. Баай ис хоһоонноох, ураты методикалаах уруоктардаах, хас биирдии оҕо психологиятын таба таайан, оҕону араас өттүттэн иитэн, киһи киһитэ оҥорон таһаарар учууталбытыгар махталбыт муҥура суох.

Өссө биир үрдүк ситиһиибитинэн, нуучча литературатын уонна МХК уруогун учууталыгар, Изабелла Егоровна Шадринаҕа, Дьокуускай куоракка ааспыт «Учитель года» куонкуруска, “Отличник образования РС(Я)” үрдүк аатын иҥэрдилэр. Нарын-намчы, ис киирбэх, сытыары сымнаҕас майгылаах күндү учууталбытыгар өссө да үрдүктэн үрдүк ситиһиилэри баҕарабыт.

Учууталларым маннык үрдүк ситиһиилэммиттэриттэн үөрэбин, киэн туттабын! Кинилэр курдук бэйэм эмиэ учуутал буолар баҕа санаалаахпын.

Сивцева Сайыына,

Нам улуустаа5ы гимназиятын 10 «в»

кылааһын үөрэнээччитэ

Просмотров: 210 | Добавил: Taftalinchik | Рейтинг: 0.0/0
Всего комментариев: 0
avatar
Вход на сайт
Логин:
Пароль:
Поиск
Календарь
«  Октябрь 2016  »
ПнВтСрЧтПтСбВс
     12
3456789
10111213141516
17181920212223
24252627282930
31

Copyright MyCorp © 2018
Сделать бесплатный сайт с uCoz