Сэтинньи ый 14 күнүгэр биһиги Нам улуустааҕы гимназиябытыгар Сахабыт сирин бастакы президена М.Е. Николаев кэлэн ыалдьыттаан ааспыта. Бары билэрбит курдук кини 14 сыл аннараа өттүгэр  Саха сирин бастакы президена буолан баран дьонун-сэргэтин иннигэр элбэх үтүөнү-өҥөнү оҥорбута. Ол курдук үөрэх  уонна доруобуйа харыстабылын курдук улахан салааны үрдүк таһымҥа таһаарбыта. «Азия оҕолоро» тэрээһини тэрийбитэ. Оскуола оҕолоругар анаан Ленскай кыраайы уонна биһиэхэ Нам улуустааҕы гимназиятын туттарбыта. Уопсайынан да М.Е. Николаев Сахабыт сирин сайдыытыгар бэйэтин улахан кылаатын укпут президенинэн буолар.

Сахабыт сирин биир киэн туттар киһибитин кытта көрсүһүүтүгэр 6-11 кылаас оҕолоро бааллара. М.Е. Николаевтыын инники көлүөнэ хайдах буолуохтааҕын уонна инникибитигэр биһигини туох күүтэр диэн  кэпсэтиинэн саҕалаабыппыт.  Оҕолор бары олус үчүгэйдик кэпсэтэн, интириэһиргиир боппуруостарын ыйытан, толору эппиэти истэн көрсүһүүттэн олуһун астынан тарҕаспыттара.  Бүтүүтэ Михаил Ефимович кун аннараа эрэ өттүгэр буолбут төрөөбүт күнүнэн сэмэй бэлэхпитин уонна киниэхэ анаан оҥорбут хаһыаппытын туттарбыппыт.

Бу түгэнинэн туһанан М.Е. Николаевка барҕа махталбын этиэм этэ уонна туох баар күүстээх доруобуйаны, уһун дьоллоох олоҕу уонна  өрүү бу курдук үөрэ-көтө сылдьарыгар.

Сивцева Сайыына,10 "в"